Реанимация бөлімі 2016 жылы Қазақстан Республикасының Тәуелсіздік күніне қарсы ашылды. Бөлім әр түрлі жағдайда түскен аурулармен жұмыс жасау үшін керек: травмалық шок, массивті қан жоғалту, жедел жүрек-қан тамырлары және тыныс алу жеткіліксіздігі. Ол барлық қажетті диагностикалық және медициналық жабдықтармен жабдықталған: респираторлық және қан айналымы органдарының ең маңызды функцияларын, жасанды өкпе желдету аппаратын, дефибрилляторларды, инфузоматтарды, мониторларды (төсек-орын реанимация, реанимация, хирургиялық, фетальды), сорғыш құрылғылардың барлық түрлері. Бүгінгі күнге дейін бөлімнен әр түрлі ауыр жағдайдағы шамамен 50 сырқат өтті.

Дәрігер-реаниматолог Азат Абишев ауруларды тәулік бойы қабылдап шұғыл реанимациялық іс-шаралар жүргізеді, сонымен қатар ауруларды тәулік бойы қарайды. Орта деңгейдегі медицина қызметкерлері: Ибраева Назира және Габиденұлы Олжас, сырқаттардың жағдайын жіті қадағалап, үлкен көлемде тағайындамалар орындайды – инъекция, тамшылатып құю, дәрігердің жұмыстарына көптеген көмек тигізеді, ал кейбір жағдайларда өздері де реанимациялық іс-шара жүргізеді.

Бөлім қызметкерлері күшейтілген режимде жұмыс күндері де, төтенше жағдайлар болу қауіпі бар мереке күндері де жұмыс істейді. Азаттың айтуы бойынша, мұның бәрі жұмыс нәтижесімен салыстырғанда аса маңызды емес. «Әрине, медицинадағы кез келген төтенше жағдай – апат, және мұндай жағдайлардың мүлде болмағаны жақсы,-дейді Азат. Тәуліктің кез келген уақытында жұмысқа шақыртқан кезде, бұл жеоде сенің көмегіңе өте зәру екенін білесің»...